नेपालको हिमाली जिल्ला बागमती प्रदेशमा रसुवा जिल्ला रहेको छ । यस जिल्लाको उत्तर पश्चिम क्षेत्रमा अवस्थित आमाछोदिङमो गाउँपालिकाको वडा नं. ५, चिलिमेमा यस श्री सरस्वती आधारभूत विद्यालय रहेको छ । यस विद्यालयको स्थापना साविक गा. वि. स. चिलिमेको मोक्तान गाउँ वडा नं. ३ मा वि. स. २०३४ सालमा भएको हो । संस्थापक अध्यक्ष श्री नुर्वु साङबो थोक्रा ज्यू ले आफ्नै घरको आँगनमा गरिएको थियो । पछि आफ्नै छोरा फुर्पु सिङगी थोक्रा हुदै सानुकामी घिसिङ, दावा छेदेन थोक्रा, पासाङ तामाङ हुदै वर्तमान अध्यक्ष श्री छिरिङ ङेरुप घलेको अध्यक्षतामा सञ्चालित रहिआएको छ ।